مسلم ومسيحى ضد الإرهاب - شعر

مسلم ومسيحى ضد الإرهاب
فى عز الليل يقوم المسلم يصلى الفجر ويقرا الكتاب
كتاب حكيم من عند رب العالمين بيحرم القتل والعنف والإرهاب
وأخوه المسيحى لابس ونازل رايح كنيسته يصلى ويدعى لرب العباد
فرحان وسعيد بعامه الجديد وفجأة اتحول لحالة حداد
فى شرع مين يتحول العيد لهم وغم وموت وساحة دم
طول عمرنا بنمشى فى أمان مسيحى ومسلم فى حضن بلدنا الأم
كنيسة وجامع فى ناصية شارع
أدان وأجراس تعلى تدوى بدون سد ولا مانع
واللى يحاول يشكك يلاوع يفكك يبقى غريب عدو مش حبيب
الله يرحم كل اللى مات وحقه هيرجع فى يوم عن قريب
وإوعى تفكر يا خاين يا قاتل إنك هتفلت وتجرى تطير
فى رب شايف وعالم وحاسس وحسابه ليك هيكون عسير
أخويا وصديقى مسلم أو مسيحى إيدى فى إيده
أواسيه فى حزنه وأهنيه فى عيده
أكره عدوه وأحب حبيبه
ويوم حزنه هلبس أسود وأعمل حداد
ومش هسيب اللى قتله يفلت من غير حساب
مسلم ومسيحى ضد الإرهاب

المصدر: Sameh Kamel

+++++++++++++

المصدر : كتابات مصراوى

http://www.masrawy.com/ketabat/ArticlesDetails.aspx?AID=83209